Մեր առաքելությունը
Մեր առաքելությունը
Մեր առաքելությունն է
Մարքեթինգի միջոցով զարգացնել բիզնեսները՝ ստեղծելով նոր հնարավորություններ, բարձրացնելով բրենդի ճանաչելիությունը և ապահովելով արդյունավետ աճ։ Մենք համատեղում ենք ռազմավարական մտածողությունը, ստեղծագործական լուծումները և նորարարական մոտեցումները՝ ձեր բիզնեսի հաջողությունն ապահովելու համար։
Մենք հավատում ենք, որ ազնվությունը, աշխատասիրությունը և պատասխանատվությունը մեր բոլոր նախաձեռնությունների հիմնասյուներն են։ Ճկունությունն ու նորարարական մտածողությունը մեզ թույլ են տալիս արագ արձագանքել փոփոխություններին, իսկ կարգապահությունը ապահովում է կայուն և որակյալ արդյունքներ։ Այս սկզբունքներով մենք ստեղծում ենք վստահելի և արդյունավետ համագործակցություններ՝ նպաստելով ձեր բիզնեսի աճին։
Մեր պատմությունը
16 տարի աշխատելով ՀՀ խոշորագույն հարկատու ընկերությունում՝ «Գրանդ Հոլդինգում», ղեկավար տարբեր պաշտոններում, մի շատ հետաքրքիր բացահայտում արեցինք: Այսօր ՀՀ-ում ընդհանուր առմամբ մարքեթինգի և մերչնդայզինգի ոլորտը թերզարգացած է: Գրեթե բոլոր կազմակերպություններում մարքեթինգ ասելով հասկանում են գովազդ, դիզայն և ՍՄՄ, իսկ մերչնդայզինգի թիմեր տեղական արտադրող և ներմուծող կազմակերպությունները չունեն: Արդյունքում ՀՀ գրեթե բոլոր շուկաներում գերիշխող դիրք ունեն տրանսնացիոնալ ընկերությունները, որոնք մայր երկրներում ունեն հզոր մարքեթինգային թիմեր:
Ոլորտի թերզարգացվածության հիմնական պատճառն այն է, որ տեղական ընկերությունների համար չափազանց թանկ և ռեսուրսատար է բազմաֆունկցիոնալ մարքեթինգի և մերչնդայզինգի թիմեր ունենալը: Եվ ահա գաղափար առաջացավ առաջարկել լիարժեք մարքեթինգային, մերչնդայզինգային և վաճառքի ծառայությունների աութսորսինգ:
Արդյունքում կազմակերպությունները կարող են շատ փոքր գումարով ունենալ բազմաֆունկցիոնալ մարքեթինգի և մերչնդայզինգի մեծ թիմ: Դա հնարավորություն կտա շատ արագ բարձրացնել մրցակցային առավելությունները և տեղական շուկայում դառնալ առաջատարներ:
Ստեղծարար Թիմ
Մեր Թիմը
